Çështja e Zirkovic ka trazuar ambientin e klubit të Kukësit. Lortari ka akuzuar skuadrën verilindorë për dhunë të ushtruar ndaj tij për prishjen e kontratës, ku gjithashtu sulmuesi kroat kërkon edhe pagat e prapambetura. Sulmuesi kroat ka deklaruar se është dhunuar nga drejtuesit e verilindorëve, ndërsa ka theksuar se në 5 muaj qëndrimi në Tirana ka marrë rrogën e vetëm të një muaji.
Në një prononcim ekskluzivisht për Newsport.al, drejtori i klubit verilindor, Naim Halili, i cili u akuzua se goditi lojtarin, tregon anën e tij të situatës.
“Po si mendoni ju? Mund ta bëjmë ne këtë gjë? Ne kemi bërë një marrëvëshje për prishjen e kontratës dhe kemi pranuar që lojtari të paguhet por është një prapaskenë e avokatit të tij dhe atij vete që të përfitoj në mënyrë të pandershme.
Ne lidhje me atë që pretendon ai nuk është aspak e vërtetë që është goditur nga ana ime dhe as që i mendoj të bej keto veprime. Po, unë kam të drejte se nëse lojtari nuk jep kontribut për ekipin atëherë unë bisedoj me stafin teknik.
Nëse ai lojtar mund të ndihmoj ekipin dhe kur unë marr pergjigje që ky lojtar nuk është në planet e ekipit atëherë unë jam i detyruar të negocioj me lojtarin për prishjen e kontratës me marrëveshje. Duke respektuar të gjitha rregullat e ndërprerjes së kontratës me marrrveshje dy-paleshe.”
-Për çfarë prapaskene bëhet fjalë?
“Që ata të përfitojn nga ana financiare, duke bërë viktimën. Përse lojtari nuk e thoë që jam paguar për të gjithë kohën që kam qenë pjesë e klubit? Kjo është prapaskenë.”- shprehet drejtori Halili./Floridona ADEMAJ/
Lexo gjithashtu
