Megjithëse nuk ka një vendim përfundimtar nga klubi i Tiranës për sa i përket të ardhmes së Afrim Takut, gjasat janë që mesfushori të largohet nga bardheblutë. Marrëdhënia e acaruar me trajnerin Josa ka bërë që ai mos të pranohet në stërvitje nga stafi teknik. Newsport.al ka mësuar se më parë drejtuesit e Skënderbeut kanë kontaktuar 27-vjeçarin për ta marrë në organikën e tyre. Por, golashënuesi më i mirë i bardhebluve kishte refuzuar ofertën për të qëndruar te Tirana. Megjithatë situata nuk është më e njëjtë. Me shumë gjasa ai do të niset këto ditë drejt Shteteve të Bashkuara të Amerikës për të mos u kthyer më për këtë sezon.
Kujtojmë që Afrim Taku u afrua te Tirana në këtë merkato verore. Performanca e tij në fushën e blertë ishte në nivele të larta, ku arriti të shënonte edhe 8 gola me fanelën bardheblu. Ai u kthye në një titullar të rëndësishëm, megjithatë ndeshja kundër Skënderbeut solli një përmbysje të situatës mes tij dhe trajnerit Josa. Ky i fundit e zëvendësoi në pjesën e dytë, por Taku nuk e priti mirë duke pasur dhe një përplasje të nesërmen në seancën stërvitore me teknikun kryeqyteyas.
Loading ...
