Jasir Asani ditën e sotme luajti ndeshjen e tij të fundit me Partizanin, teksa në janar do të transferohet tek klubi suedez i AIK. Asani ishte një nga futbollistët kryesor të Partizanit kampion të drejtuar nga Skënder Gega dhe mungesën e tij të kuqtë do ta ndiejnë jo pak. Futbollisti në ikje i Partizanit është bërë pjesë e emisionit "Zona Gol" në Supersport, ku ka folur dhe më shumë mbi të ardhmen e tij.
"Unë e pëlqej shumë dhe ekipin në Turqi. Më pëlqen të luaj edhe atje. Nga të mëdhatë, ndjek Spanjën më shumë edhe Anglinë. Unë tifoz jam me Barcelonën dhe normal që ata do ta fitojnë kampionatin. Përveç Messit mendoj se edhe Griezman apo Suarez luajnë mirë por diferencën e bën Busquets", tha Asani.
Terreni në "Selman Stermasi":
"Pjesën e parë ishte mirë. Por pjesën e dytë u prish shumë. Ishte shumë e vështirë për ne të dilnin të luanim futboll në atë fushë. Me golin e Bitrit e morëm pak më qetë se në atë fushë e kishim shumë shumë vështirë", tha në fillim Asani.
"Unë mendoj se do ti vendosja notën 5 ose 6 vetes time. Të gjithë e dinë që skam patur një periudhë të mirë. E di që ndonjëherë do ngrihesh, ndonjëherë do të ulesh. Unë kam qejf që ekipi të jetë në vend të parë. Pasi ekipin e kemi, kualitetet po dhe çunat japin maksimumin në fushë.
Unë mendoj që pas derbit, ndeshjen me Teutën kemi patur disa raste. Unë kam patur shumë raste dhe mund edhe të kishim fituar. Tani jemi aty afër me kreun, unë kam besim të madh tek çunat dhe ata mund të dalin në vend të parë"
Lerda:
Kur ka ardhur në fillim tek ne kemi patur disa përplasje. Secila ndeshje ka patur një formacion ndeshje, nuk mendoj se ka patur një përplasje me mua. Unë mendoj se ska pas agjë. Unë i kam thënë dhe në stërvitje nëse ke diçka kundër meje ma thuaj. Mendoj siç ka thënë ai që ka qenë një ndërrim taktik. Më ka thënë që skam asgjë dhe është vetëm një ndërrim taktik. Ai ka luajtur 3-5-2 në Itali dhe ska pas vend. Dhe unë kam bërë maksimumin të fitoja vendin dhe të ndihmoja Partizanin që të fitonte ndeshjen. Pasi Partizani është një klub i madh", tha Asani.
"I kam thënë që jam i gatshëm në ccdo pozicion vetëm të jem në formacion e të jap maksimumin. Jam i gatshëm kur të ketë nevojë. Para se të bëhej transferimi fola me presidentin Gaz Demi i thashë që klubi nga Suedia ka interesë. Gaz Demi ka qenë njeriu i duhur, i kam thënë që ai duhet të vendoste per mua", shtoi Asani.
Të pëlqeu AIK apo po ikën që Partizani të fitoi ca lekë?
"Nuk do ikja asnjëherë nga Partizani pa marr lekë klubi. Partizani më ka ndihmuar shumë, më ka rritur si futbollist. Kam gjetur një ambient tepër të mirë me çuna të mirë dhe nuk do doja të ikja pa lekë", tha Asani.
"Unë kam folur me portierin e AIK dhe ai më ka folur për të gjitha. Unë kam folur edhe me familjen edhe me miqtë dhe u kam thënë që do të bëj maksimumin në Suedi. Sot kemi qenë në darkë me gjithë ekipin, pasi ne jemi shumë bashkë me njëri-tjetrin. Unë e them që Partizani do të dali sërish kampion. Ka kualitete dhe një grup shumë të mirë", shtoi Asani.
Faturën e darkës kush e pagoi?
"Shefi" (qesh).
Lexo gjithashtu
