Egnatia udhëton drejt Ballshit ku do të përballet sot me Bylisin në Adush Muça në orën 15:00 për javën e pestë të Abissnet Superiore. Mungesa e madhe e sfidës është kapiteni Jackson i cili vuan nga një dëmtim. Mungesë tjetër e rëndësishme është edhe mesfushori Hamzat që deri tani ka rezultuar një goditje e rrogozhinasve në merkato.
Ndaj Bylis pritet një ndeshje delikate pasi të dy skuadrat janë në një formë të mirë dhe ërkojnë të vazhdojnë ecurinë pozitive. Trajneri Tetova ka gjetur siç duket dyshen që do të udhëheqë ekipin. Delarge dhe Camaj janë partneriteti i ri në sulm për Egnatian. Dyshja ka shënuar 4 gola deri tani, 2 për secilin.
Me ndeshjen e sotme, Egnatia kapërcen kështu një kalendar ferri të rezervuar për të në 4 javët e para. Dy humbje në përballjen me ekipet e kryeqytetit dhe 2 fitore më 2 të tjera që kanë objektiva madhor si Laçi dhe Vllaznia. Një kalendar ferri por Egnatia mori 6 pikë në këto sfida.
Lexo gjithashtu
