Egnatia, Partizani dhe Tirana janë dhe këtë sezon kryefjala e futbollit shqiptar. Kjo gjë vërehet gjithashtu në merkato, ku këto tre skuadra janë më të përfolurat për afrimin e elementeve të duhur.
Pavarësisht ksaj, vetëm Egnatia dhe Tirana e kanë thënë fjalën e tyre për sulmin. Egnatia shpenzoi plot 150 mijë euro për afrimin e Jurguens Montenegros. 23-vjeçari u mor nga kampionati i Kosta Rikës, ku ishte titullar i padiskutueshëm.
Po ashtu e përafërt pritet të jetë shifra që Tirana do derdhi në arkën e Trepçës për Moustapha Ba. Senegalezi do bashkohet në kampin bardheblu me fillimin e janarit.
Te Partizani e kanë marrë më shtruar gjetjen e një sulmuesi dhe pse është i domosdoshëm. Në klubin e kuq nuk ka asnjë fakt të kryer, që nga prezantimi i Orges Shehit. Emrat e përfolur deri më tani kanë qenë Xhuliano Skuka dhe Redon Xhixha, që megjithatë do të afroheshin vetëm si huazime pasi kanë kontrata afatgjata me klubet e tyre jashtë.
Lexo gjithashtu
