Trajneri i Kombëtares, Edoardo Reja është ndalur të flasë për mediat italiane. Në intervistën për Corriere dello Sport, numri një i pankinës kuqezi ka theksuar se nuk është i surprizuar nga dërgimi i 30 mjekëve shqiptar për t'i ardhur në ndihmë Italisë, pasi Shqipëria është zemërgjerë. Njëherazi, Reja shprehet se do ishin me fat nëse riniste futbolli dhe do i shkohej sezonit në fund.
"Me informacionet e mia në Shqipëri është i kufizuar Covid-19. Pas rastit të parë janë marrë menjëherë masat dhe pas orës 1 nuk lëviz dot askush në rrugë. Spitalet në Shqipëri janë në nivel të mirë, por nuk i kanë të gjitha lehtësirat e materialet tona në rast shpërthimi. Edhe dy pjesëtarë të Federatës janë të infektuar, por e kanë kaluar tani dhe situata po vjen në kontroll.
Nuk jam surprizuar nga vendimi i Ramës, pasi për mua ai është zemërgjerë dhe xhentil, që e flet në perfeksion italishten dhe kjo e ka lejuar që të thotë shumë gjëra të rëndësishme. Po, e vërtet që Shqipëria nuk është vend i pasur, por ka shumë zemërgjerësi, e di shumë mirë sesi të jetë falenderuese për ata që i kanë ndihmuar.
Do të ishim me fat që të përfundojmë sezonin, edhe në korrik, duke e kthyer përfundimisht faqen. Por gjëja më e rëndësishme është që infeksionet të bllokohen. Unë mendoj për mjekët, të moshuarit. Do të ishte koha të meditonim për faktin se Italia është një nga vendet më të shkëlqyera në botë në çdo fushë, por edhe ndër më të dënuarat: sot në botën politike mbi të gjitha mungon kompetenca", u shpreh Reja.
Lexo gjithashtu
