E thënë kështu, sepse kemi arsye të besojme se e nesërmja do të jetë një betejë nga e cila "Skënderbeu" ynë do, dhe duhet të dalë fitimtar. Sepse tanimë, nuk vlen vetem interesi i një presidenti, klubi, dëshira e një klubi, tifozerie, apo i një qyteti…
Sot është në lojë krenaria e një kombi, i cili bërtet me të madhe për të qenë pjesë e të bukurit teatër europian!
Kjo ndeshje nuk ka të bëjë me vlerat teknike, apo taktike, se sa më shumë me eksperiencën e viteve që tanimë duhet shpalosur në fushë nga ana e korçarëve.
Latifi me siguri do të dojë ta lërë këtë skuadër si një hero, i cili arriti ta dërgojë atë në majat e futbollit përtej kufijve.
Shehi po ashtu i ka një borxh të madh karrierës së tij, përsëritjen e një triumfi që askush si ai kapiten deri më sot, nuk e ka bërë!
Por edhe e gjithë skuadra dhe stafi duan të tregojnë që ata janë një nivel tjetër nga çfarë jemi mësuar të shohim në kampionatin tonë! Ndoshta më pak i përgatitur do ndjehet Daja, i cili sikur të kishte pasur pak më shumë besim tek vetja dhe ekipi, duke mos e tërhequr pjesën e dytë në mbrojtje të rezultatit ndeshjen e parë, sot mund të flisnim me bindje për pjesëmarrjen në grupe!
Ndoshta një nga sfidat e mëdha brenda këtij “Skënderbeu” është përshtatja e trajnerit me nivelin e kërkuar nga skuadra qe disponon, kështu qe guxim Ilir, o sot, o kurrë!
Ah po, mos harrojmë që Dinamo shëtitjen e saj e mbaroi në Zagreb, ndaj “Skenderbe” mos i kthe reston.../Newsport.al
Lexo gjithashtu
