Edi Rama ka folur për ndeshjen e së hënës të kombëtares shqiptare kundër Ishujve Faroe në stadiumin “Air Albania”. I ftuar në Report TV, kryeministri theksoi se edhe në këtë takim do të jetë duke ndjekur sfidën me bashkëshorten dhe djalin e tij.
I pari i qeverisë u pyet nëse do të jetë ulur përkrah Kurtit, nëse ky i fundit do të zgjedhë që të vijë në Tiranë për të ndjekur takimin.
“Ç’është kjo? Unë kam grua, kam djalë që shkoj në stadium, pse duhet të shkojë me të tjerë? Secili shkon në stadium për qejf. Nuk shkojmë në stadium për t’i bashkuar trojet tona.
Shkojmë në stadium për të parë një ekip kombëtar që bashkon shqiptarë nga të gjitha trojet tona dhe secili e sheh ndeshjen për qejfin e vetë. Ç’do me thënë kjo do shkoni në stadium?”, tha kryeministri Rama.
Kujtojme që ai pati thënë se nuk e dinte që kryeministri i Kosovës sot të shkonte në Tiranë më 12 tetor.
Lexo gjithashtu
