Një slloven është bashkuar ditën e djeshme skuadrës së Flamurtarit. Ai është Danijel Dezmar i cili luan në rolin e mbrojtësit. Ai është vënë dje nën urdhrat e trajnerit Magani. CV e tij futbollistike është e përqëndruar në kampionatin slloven. Dezmar luan si qendërmbrojtës, por mund të përshtatet dhe në mesfushë. Mësohet se ka një akord paraprak mes palëve, megjithatë është trajneri Magani ai që do të thotë fjalën e fundit, nëse slloveni do të firmosë përfundimisht ose jo.
Por problemi qëndron te kombësia e tij, që është i huaj. Siç dihet vlonjatët kanë në skuadrën e tyre shumë të huaj, plot shtatë. Stafi teknik është i shqetësuar sepse të paktën katër prej tyre do të qëndrojnë në stol. Pra me shumë gjasa, nësë slloveni Dezmar firmos, ai do të jetë i fundit për skuadrën e Flamurtarit.
Lexo gjithashtu
