Edgar Çani është kthyer në një telenovelë te Partizani. Afrimi i bujshëm i të kuqve ka rezultuar një dështim deri tani, pasi ishi i Kombëtares ka luajtur shumë pak minuta dhe aktualisht paguhet plot 20 mijë euro në muaj për të qëndruar në stol.
Ditët e fundit, Çani ka udhëtuar drejt Italisë në klinikën ku ka zhvilluar në muajin maj të këtij viti operacionin në gju. Sulmuesi ka zhvilluar një vizitë të re dhe i është thënë se opeacioni është zhvilluar në mënyrë korrekte, por gjuri ka nevojë për një pastrim.
Menjëherë Çani është rikthyer në Tiranë dhe është takuar me drejtuesit e klubit të Partizanit dhe me drejtorin Olsi Rama për të diskutuar për të ardhmen e tij, e cila ende nuk dihet se cila do të jetë.
Nëse sulmuesi i nënshtrohet pastrimit të gjurit, do të ketë nevojë për më shumë kohë, e cila nuk dihet nëse do t'i jepet nga klubi.
Lexo gjithashtu
