Pano Qirko do të jetë lojtari më i ri i Partizanit. Tashmë lajmi është konfirmuar nga Teuta. “Doreza e Artë” e Superiores do të jetë një vlerë e shtuar për të kuqtë në garat europiane.
Qirko do të kalojë në kryeqytet në formë huazimi vetëm për kupat e Europës. Në këtë sezon gardiani i durrsakëve mbajti të paprekur portën në 16 ndeshje, askush si ai në Superiore, duke ndihmuar djemtë e detit.
“KF Teuta ka arritur marrëveshjen me FK Partizanin për huazimin e portierit Pano Qirko për ndeshjen e Kupave të Europës. Pano Qirko do të rikthehet në skuadër pas përfundimit të fazës kualifikuese që Partizani ka në UEFA Champions League. KF Teuta i uron suksese Qirkos dhe Partizanit në Europë”, shkruan klubi i Teutës.
Egnatia, Vllaznia, Dinamo dhe Partizani deri më tani në “Final Four”. Mendoni se do të ketë ndryshime deri në fund të Superiores?
-
Po
-
Jo
-
Nuk e di
