Dinamo do të luajë të shtunën përballë Partizanit ndeshjen e vlefshme për javën e 23-të të “Abissnet Superiore”. Sfida që do të zhvillohet në Durrës, në stadiumin “Niko Dovana” do të startojë në orën 17:00.
Dinamo kërkon të ruajë ecurinë pozitive pas dy fitoreve radhazi, në krahun tjetër, “Demat” kërkojnë rikthimin te fitorja në kampionat pas 3 ndeshjes, ku një e kanë humbur dhe kanë marrë dy barazime radhazi.
Por pavarësisht se skuadra e Dritan Mehmetit vjen pas dy fitoreve, tekniku i Dinamos nuk e ka aspak të lehtë përballë Orges Shehit. Në dy ndeshje të zhvilluara më parë mes tyre, Mehmeti nuk ka fituar asnjë.
Një është fituar nga Shehi, ndërsa një tjetër ka përfunduar në barazim. Pra sot, tekniku i dinamovitëve kërkon që ta bëjë “sefte” të shtunën në “Niko Dovana”.
Lexo gjithashtu
