Partizani duket se ka ndryshuar mendin për mesfushorin shqiptar Dilaver “Dilly” Duka. Afrimet e janarit dhe alternativat në të dy krahët e mesfushës ku operon 29-vjeçari i lindur në SHBA kanë bërë që drejtuesit e 15-herë kampionëve të Shqipërisë të heqin dorë nga futbollisti shqiptaro-amerikan.
Në fakt, Duka ka qenë një premtim i hershëm që gjatë verës së 2018, kur tekniku Gega atë kohë premtoi se do ta sillte mesfushorin si “bastin” e tij. Planet ndryshuan më tej dhe të kuqtë vendosën t’i besonin kontigjentit aktual. Pas përfundimit të gjysmës së parë të sezonit, pista “Duka” u shfaq sërish por me blerjet e Renato Jusufit dhe pritjen e ganezit Kwame Karikari Partizani e shikon se e ka plot “magazinën”, prandaj duket se klubi i ka vënë pikën çështjes “Duka”.
Loading ...
