Gjithçka është në rrugën e duhur për të rikthyer Erjon Hoxhallarin te Tirana. Klubi ka arritur akordin total me mbrojtësin i cili do të riveshë sërish fanellën bardheblu.
Burime të sigurta pranë kryeqytetasve bëjnë me dije për Newsport.al se kontrata është përpiluar edhe në detajet e fundit dhe pritet vetëm e zeza mbi të bardhë nga lojtari. Edhe kjo nuk pritet të vonojë shumë teksa në orët e ardhshme ose më e shumta nesër në mëngjes, Hoxhallari do të shkojë në zyrat e klubit dhe të prezantohet zyrtarisht si një futbollist i Tiranës.
27-vjeçari do të jetë një përforcim me shumë vlera, ndoshta goditja më e madhe e merkatos në Superiore. Ka fituar gjithçka me bardheblutë madje edhe si kapiten dhe tani rikthehet për të dërguar sërish Tiranën te rruga e lavdisë. Me afrimin e Hoxhallarit, Tirana do të mbyllë përfundimisht merkaton e verës.
Lexo gjithashtu
