Lautaro Martinez ka dërguar sinjale të tjera dashurie për Interin.
Sulmuesi argjentinas protagonist në titullin e fituar me zikaltërit dhe Copa America me kombëtaren ka rritur kreditet e tij në treg, duke tërhequr vëmendjen e shumë skuadrave.
Por duket se zemra e tij "punon' ende për Interin. Në një deklaratë, Martinez ka folur si për klubin ashtu edhe për Lionel Messin.
"Ne do të mbetemi në histori sepse arritëm sukses në një mënyrë të jashtëzakonshme, kundër pritësve Brazil. Kupa duhej të ishte luajtur në Argjentinë, në vend të kësaj ata na çuan në Brazil" tha fillimisht 23-vjeçari.
MESSI- Ai është lojtari më i mirë në botë, është argjentinas, është i yni, stërvitet në maksimum. Është një shembull për të gjithë. Ai bën gjëra që të tjerët nuk i bëjnë. Ne duhet ta shijojmë atë dhe të mësojmë prej tij. Në moshën 20 vjeç e takova për herë të parë në ekipin kombëtar, nuk do ta harroj kurrë atë ditë: e pashë duke u stërvitur dhe atje thashë që po ëndërroja. Ne e ndihmuam atë, ai ishte shumë i uritur për finalet e humbura. Scaloni thotë se askush nuk ka një vend të garantuar, përveç një lojtari që e dimë se kush është. Ne bëmë një punë të shkëlqyeshme, gjithçka që bëj në Inter më ndihmon të jem në ekipin kombëtar ".
INTER - "Unë jam në një moment shumë të rëndësishëm në karrierën time. Këtë vit kam jetuar momente të pabesueshme, ndjesi që nuk i kisha provuar kurrë. Me gruan dhe vajzën time po përjetoj ndjesi unike. Një gjë që kam ëndërruar si fëmijë. Unë dua të vazhdoj të mësoj nga shokët e mi të skuadrës dhe çdo trajner që kam. Ata janë një pjesë e rëndësishme e imja," përfundoi Martinez.
Egnatia, Vllaznia, Dinamo dhe Partizani deri më tani në “Final Four”. Mendoni se do të ketë ndryshime deri në fund të Superiores?
-
Po
-
Jo
-
Nuk e di
