Tashmë është fakt, Superliga Europiane do të zhvillohet por datat janë akoma të papërcaktuar pasi fillimisht do të zgjidhen 80 klubet pjesëmarrëse, sipas sistemit që kanë zgjedhur krerët e Ligës. Organizatorët do të përzgjedhin 80 ekipet sipas vlerësimeve nga prestigjozja OPTA. Në këtë mënyrë, 80 ekipet e para në listën e OPTA do të marrin ftesën nga organizatorët, Real Madrid, Juventus dhe Barcelona.
Sipas listës, edhe Qarabag do të jetë pjesë e këtij kompeticioni teksa renditen në vendin e 68-të. Sulmuesi shqiptar Redon Xhixha bëri hapin e madh në karrierë teksa u transferua në janar nga Tirana për në Azerbajxhan dhe tashmë mund të bëhet pjesë edhe e Superligës Europianë që do të zëvëndësojë Champions League.
Kompeticioni nuk ka një datë zyrtare por sezoni 2024-2025 pritet të jetë çelja e epokës së re në futbollin europian.
Lexo gjithashtu
