Shancet e Skënderbeut për të rrëzuar dënimin 10-vjeçar të dhënë nga UEFA tashmë janë shumëfishuar pas një vendimi të fundit në lidhje me CAS. Në një çështje të shqyrtyar së fundmi që kishte të bënte me ankesën e klubit zviceran Searing lidhur me një vendim të UEFA-s për pronësinë e tij, gjykata e apelit në Bruksel vendosi që vendimet e UEFA-s dhe FIFA-s të mos jenë ekskluzivisht objekt rishikimi vetëm nga CAS-i por edhe nga gjykatat vendase.
Në këtë mënyrë në një situatë hipotetike, nëse një subjekt futbolli nuk bie dakort me një vendim të UEFA-s apo FIFA-s, ky vendim mund të apelohet më parë edhe në gjykatat e vendit ku është regjistruar ai klub dhe jo domosdoshmërisht në CAS. Në këtë mënyrë gjykata e Lozanës do humb ekskluzivitetin e vendimmarrjes në çështjet sportive, duke shkaktuar një revolucion të vërtetë në botën e futbollit dhe jo vetëm.
Kështu mund të përfitojë edhe Skënderbeu, ku në rast të një vendimi jo-pozitiv nga CAS-i, çështja do të mund të kalojë edhe në gjykatat e Shqipërisë. Ende mbetet e paqartë sesi do të zbatohet ky vendim i gjykatës së Brukselit, megjithatë përbën një shpresë të madhe për skuadrën korçare që pret me padurim verdiktin e CAS-it.
Lexo gjithashtu
