Dejvi Bregu te Erzeni do të ishte një prej nënshkrimeve më të bujshme të merkatos së janarit. Sulmuesi vlonjat ka ndërprerë kontratën me Umraniyespor në Turqi dhe mund të nënshkruajë në janar me shijakasit.
Dhe klube të tjera të Superiores pritet të futen në garë, megjithatë kjo është situata aktuale për Bregun. Kujtojmë se ka dhënë kontribut në Shqipëri për Flamurtarin, Luftëtarin, Skënderbeun dhe Teutën.
28-vjeçari mbahet mend për vitin e artë 2021, ku fitoi “Topin e Artë” si lojtari i vitit dhe u shpall kampion me Teutën. Bregu ishte dhe golashënuesi i sezonit 2020/21 me 16 golat e tij.
Performancat e tij bën që të transferohej në Turqi ku firmosi me Boluspor dhe qëndroi 2 sezone. Te Umraniyespor nënshkroi këtë verë, ndërsa hapësirat e pakta bën që palët të përfundonin bashkëpunimin.
Lexo gjithashtu
