Xabi Alonso ka konfirmuar në konferencën për shtyp para ndeshjes ndaj Hoffenheim që ai do të vazhdojë që të jetë trajner i Bayer Leverkusen edhe sezonin e ardhshëm. Pavarësisht interesit nga skuadra e Bayern Munich dhe anglezëve të Liverpool, Alonso nuk do të largohet.
“Ka patur shumë spekulime për të ardhmen time. Unë reflektova gjatë pushimeve të kombëtareve dhe mora një vendim. Javën e shkuar unë pata një takim që shkoi shumë mirë me bordin drejtues dhe i informova që kam vendosur të qëndroj”, tha fillimisht Alonso.
“Ky është vendi i duhur për mua që të përmirësohem akoma më shumë si trajner. Jam një trajner i ri dhe tani ndjej se është vendi i duhur për mua. Lojtarët më kanë dhënë shumë arsye që unë të besoj në këtë ekip. Ndjej se puna ime këtu nuk ka përfunduar ende”, shtoi mes të tjerave trajneri spanjoll.
Lexo gjithashtu
