Migen Memelli do të jetë trajneri i Skënderbeut edhe për sezonin e ri. Presidenti Ardjan Takaj ka konfirmuar në stol pogradecarin që bëri super punë me bardhekuqtë e Korçës. Mbijetesa u duk e vështirë për një nga ekipet që ka bërë histori në futbollin tonë, por pas largimit të Jul Ahmatajt, Memelli tregoi edhe një herë se sa vlen fanela e Skënderbeut.
Lajmi është bërë me dije nga News 24 që raporton se presidenti Takaj i ka besuar edhe për edicionin e ri pogradecarit. Kujtojmë që Memelli e mori skuadrën në gjysmën e dytë të sezonit dhe arriti ta ngjiste në vendin e shtatë duke iu shmangur edhe zonës Play-Out.
Loading ...
