Kategoria e Parë do të mbyllë ditën e sotme javën e 7-të. Në program janë dy duele mjaft interesante dhe të luftuara për t’u zhvilluar, teksa në fushë do të zbresin ekipe që kërkojnë kreun, “Play-Off” dhe që luftojnë për mbijetesën.
Në orën 14:00 Elbasani do të presë në “Demrozi Stadium” skuadrën e Burrelit. Një ndeshje ku elbasanasit duan vetëm 3 pikët për të qenë në ndjekje të Bylisit. Ndërkohë burrelasit nga ana tjetër synojnë t’i largohen sa më shumë zonës së ftohtë të klasifikimit.
Paralelisht do të luhet edhe përballja mes Kastriotit dhe Korabit në Fushë – Krujë. Vendasit vijnë pas humbjes me Bylisin në javën e kaluar dhe ditën e sotme synon rikthimin te fitorja edhe për zonën “Play-Off”. Ndërkohë nga krahu tjetër miqtë i ka motivuar fitorja me Elbasanin dhe ndaj Kastriotit tentojnë një tjetër 3 pikësh që do t’i ndihmonte të ngjiten në zonën “Play-Off”.
Lexo gjithashtu
