Dinamo ndodhet e renditur në vendin e dytë në tabelën e klasifikimit ku ka grumbulluar 37 pikë pas 20 javësh. Blutë e kryeqytetit kërkojnë ngjithjen në Superiore në sezonin e ardhshëm dhe ndeshjet e mbetura janë shumë të rëndësishme për të.
Por në fillim skuadra e Dritan Mehmetit duhet të thyejë “tersin” “Selman Stërmasi”. Blutë kanë plot 2 muaj që nuk ia kanë dalë të fitorjë në shtëpinë e tyre, duke humbur kështu pikë të rëndësishme në luftën për vendin e parë.
Dinamo ka sfiduar Kastriotin në “Selman Stërmasi” dhe është mposhtur 1-3, takim i vlefshëm për Kupën, ndërsa ka humbur 1-2 me Luzin, 0-1 me Tomorin dhe 2-3 me Apoloninë. Gjithashtu është ndalur në barazim 1-1 me Skënderbeun.
Takimi i radhës për Dinamon është dueli me Korabin, i vlefshëm për javën e 21-të të Kategorisë së Parë. Kjo përballje do të luhet ditën e hënë në orën 15:00 dhe Blutë kanë detyrim fitoren në “Selam Stërmasi”.
Lexo gjithashtu
