Egnatia mposhti Erzenin me rezultatin minimal 0-1 në ‘Arenën e Demave’. Rrogozhinasit tregohen cinikë dhe fitojnë një ndeshje të cilën e vuajtën në pjesën më të madhe. Trajneri Edlir Tetova foli në konferencën pas ndeshjes ku u shpreh i kënaqur për 3 pikët e marra.
“Nuk kisha dhënë detyra për të qarkulluar topin por Erzeni ishte i gjithi në mbrojtje dhe na bllokoi manovrat pasi u rreshtua edhe ndryshe, me 5 mbrojtësa. Në pjesën e dytë u mundova të ndryshoja diçka duke future 5 në sulm. Fatmirësisht në fund ia arritëm.
Duamena nuk është në kondicionin e duhur, ka pak ditë dhe luan me dhimbje, por ka dëshirë të madhe. Është kapiteni i skuadrës dhe do t’i bëjmë vend në skaudër për atë që ka bërë për ekipin.
Loja i ka këto vështirës, ka dhe neglizhime nga disa lojtarë. Unë u kërkova në pushim që të kenë durim për të lëvizur topin sepse momenti do të vijë. Erzeni po provonte në tranzicion dhe i kërkova Mëllugjës të bashkohej me mbrojtjen, ishim kompakt, por duhet të kishim më shumë uri për golin e dytë.
Largimi i Duamenas dhe Spahiut uli rrezikun? Nuk besoj, janë strategji pasi i lëviz vetë lojtarët në ato pozita pasi janë shumë të mirë në ato zona.
Kalendari? Përsëriten ndeshjet, ua shpjegoj lojtarëve që faza e dytë nuk është si e para pasi ekipet njihen. Më intereson që ekipi ka uri për të shkuar drejt fitores.”, tha Tetova për MCN TV.
Lexo gjithashtu
