Një tjetër sfidë mjaft interteresante që ka rezervuar dita e sotme është edhe përballja mes Egnatias dhe Laçit, duel që do të luhet në “Arena Egnatia” duke nisur që nga ora 13:00.
Vetëm 1 pikë diferencë mes dy skuadarve tregon më së miri se kjo përballje do të jetë një “luftë” e vërtetë në Rrogozhinë, ku vendasit do të tentojnë rikthimin te fitorja pas humbjes me Tiranën një javë më parë, ndërsa kurbinasit kërkojnë ta mbyllin me fitore këtë vit.
E veçantë ky takim do të jetë edhe për Shpëtim Duron, i cili deri ën fillim të zezonit ishte në krye të bardhezinjve, ku më pas Vukicevic zuri vendin e tij. Tekniku i Egnatias do të kërkojnë një lloj “hakmarrje” ndaj ish-skuadrës së tij për atë largimin në nisje të sezonit dhe një fitore sot në krye të rrogozhinasve do të ishte si “qershia mbi tortë”.
Në 12 përballje mes tyre, Egnatia është ajo që kryeson me 6 fitore, teksa Laçi ka arritur të mposhtë rrogozhinasit vetëm 4 herë, ndërsa 2 sfida të tjera kanë përfunduar në barazim.
Formacionet e mundshme:
Egnatia: Sherri, Agbekponu, Atanta, Malota, Frangaj, Hamzat, Fernando, Zejnullai, Musta, Delarzh, Camaj. Trajner: Shtëtim Duro.
Laçi: Dajsinani, Roganovic, Velkovski, Turkaj, Ziko, Borisciuk, Ujka, Cucin, Spahiu, Mazrekaj, Adeleke. Trajner: Dejan Vukicevic.
Lexo gjithashtu
