Dueli me Rumaninë, FSHF-ja hap dyert për të gjithë tifozët
Shkruar nga NEWSPORT
Shqipëria U-21 Do të luajë ditën e sotme në “Elbasan Arena” ndeshje e dytë kualifikuese të Euro 2025. Përballë do të ketë Rumaninë, një kundërshtarë ku kuqezinjtë do të tentojnë t’i mposhtin për të marrë 3 pikët e dyta në këto kualifikuese.
Në orën 18:30 vëmendja do të jetë në “Elbasan Arena”, ku Shpresat duan fitoren. Alban Bushi kërkon që në mbështje të tij tifozët të jenë sa më të shumë.
Në këto kushte FSHF-ja ka vendosur të hapë dyert e “Elbasan Arena”. Për të gjithë tifozët që dëshirojnë të ndjekin U-21 hyrja në “Elbasan Arena” do të jetë falas, në mënyrë që të jenë sa më të shumë në mbështetje të kombëtares U-21.