
Kategoria e Parë zhvillon ditën e sotme ndeshjet e para të javës së 6-të. Në orën 12:30java do të hapet me Tomori – Skënderbeu, duel direkt për vendet e larta të renditjes. Migen Memelli ka shlyer pezullimin e tij dhe sot rimerr timonin e korçarëve.
Skënderbeu i tij mban vendin e 6 në renditje me 8 pikë ndërsa beratasit janë në vendin e 8 me 5 pikë dhe dy ekipet kërkojnë medoemos fitoren për të vazhduar rrugën drejt objektivave. Trajnerët Memelli dhe Arbëri kanë përzgjedhur titullarët që do të zbresin në fushë.
FORMACIONET ZYRTARE:
TOMORI (4-4-2): Boje; Hida, Kuame, Shaqe, Kasmollari; Alinani, Fejzaj, Çaço, Solomon; Olaoje, Laval. Trajner: Klodian Arbëri.
SKËNDERBEU (3-5-2): Ruçi; Beci, Prençi, Rapa; Frashëri, Lika, Pecani, Liço, Alii; Pusi, Temitope. Trajner: Migen Memelli.