Donald Mëllugja, 24 vjeçari që luan në mesfushë me ekipin e Bylisit, dje nuk e kishte ditën e tij me fat. Për shkak të një faulli që shkaktoi ndaj Torrasës, ai mori kartonin e dytë të verdhë, duke e lënë ekipin e Bylisit me 10 lojtarë që në minutën e 75-të, raporton newsport.al.
Por, me shpejtësinë e Torrasës, Mëllugja, duket se bëri mirë që e pengoi sulmuesin e Tiranës drejt një goli të sigurt.
Donald Mëllugja doli nga fusha e lojës, dhe trajneri Dovedan e përqafoi. Mori edhe duartrokitjet në stadium. Ndërkohë, shumë prej menaxherëve që ishin në shkallët e stadiumit mbajtën shënim: për moshën, shpejtësinë, elegancën në marrjen dhe saktësinë në dhënien e topit, raporton newsport.al.
Dhe të mendosh se në 2018 ai vinte nga qyteti i Burrelit, tashmë shpeshherë është shpallur lojtar i ndeshjes tek Bylisi. Përfundimisht edhe Bylisi e ka një talent në mesfushë që do ta lëshojë siç duket sa të vijë qershori, nëse nuk I blindon kontratën.
Lexo gjithashtu
