Lufta në Vlorë ka nisur kohë më parë, por dukej si "Lufta e Ftohtë", megjithatë, nga sot ka marrë një tjetër dimension. Situata është nxehur keq mes klubit vlonjat dhe ish-kryebashkiakut Shpëtim Gjika.
Ky i fundit ka publikuar mëngjesin e sotëm dokumente zyrtare të kontratave origjinale me lojtarët, duke sulmuar haptazi klubin kuqezi për problemet që janë shfaqur kohëve të fundit, ku u penalizuan me heqjen e 6 pikëve.
Klubi vlonjat ka vendosur që t'i përgjigjet menjëherë Shpëtim Gjikës, duke nxjerrë fakte të tjera që shkojnë kundër ish-kreut të klubit. Më poshtë është dhe denoncimi i klubit i bërë në faqen zyrtare në "Facebook", ku thuhet:
"Deklaratë për shtyp
- Dëshirojmë të sqarojmë opinionin publik për sa i përket çështjes Gjoka.
Siç shikohet dhe nga kontrata e publikuar nga ana jonë, kjo kontratë është firmosur nga ish Kryetari Bashkisë Vlorë , z. Shpëtim Gjika i cili nuk ka pasur asnjë tager ligjor për të përfaqësuar Klubin Flamurtari.
Në këtë rast me të drejtë Bashkia Vlorë nuk e njeh si kontratë dhe detyrimisht nuk njeh as detyrimet financiare të saj.
Në të njëjtën kohë një gabim është bërë dhe nga FSHF pasi ka licencuar zotin Gjoka si trajner për periudhën në fjalë duke marrë për bazë këtë kontratë të firmosur nga persona të paautorizuar.
Kërkojmë nga ana e FSHF që në respekt të rregullores dhe ligjit të marrë parasysh këtë fakt dhe të reflektoj në vendimmarrje pasi Flamurtari nuk ka asnjë përgjegjësi financiare.
Sqarojmë se zoti Gjoka dhe Flamurtari sh.a po ti referohemi Drejtorisë së Tatimeve Vlorë rezultojnë se kanë pasur një akord financiar".
Lexo gjithashtu
