Në Kamëz duke nisur që nga ora 13:00 do të luhet edhe sfida e 3-të e programuar për ditën e sotme. Kastrioti pret Kukësin për të bërë llogaritë e javës së 12-të të kampionatit shqiptarë, një takim që pritet të jetë mjaft i luftuar për të dy ekipet.
Verilindorët janë në një krizë të thellë rezultatesh me tre humbje rradhazi që e kanë rikthyer në zonën e rënies nga kategoria. Trajneri Dobi thekson prej javësh se problemi qëndron te aspekti psikologjik e jo te gjëndja e lojtarëve pasi ata kanë cilësi. Një rikthim i rëndësishëm vjen për kuksianët, me Edison Ndrecën që shlyen kartonin e kuq ndaj Tiranës dhe do të jetë i gatshëm nesër.
Krutanët vijnë nga 4 pikë në dy ndeshjet e fundit dh do të synojnë të përfitojnë nga momenti i errët i Kukësit me tre humbje rradhazi. Trajneri Emiljano Çela po i jep dorën e fundit përgatitjeve por pezullimi mbrojtësit të majtë, Rami, detyron atë të ndryshojë modul.
Formacioni i mundshëm:
Kastrioti: Sali; Stojanovic, Selmani, Karakaçi; Kodra, Onanuga, Hasani, Greca; Marinaj, Morbeck, Zogaj. Trajner: Emiljano Çela
Kukësi: Tafas; Ilieski, Ferreira, Ebert; Haxhiu, Sh. Taipi, Gj. Taipi, Ndreca; Basa, Barbosa, Gyasi. Trajner: Enkeleid Dobi.
Lexo gjithashtu
