Kukësi do të luajë ditën e nesërme në “Elbasan Arena” sfidën e fundit për këtë vit kalendarik përballë Kastriotit të vendit të fundit. Drejtuesit kukësian e kanë marrë shumë seriozisht ndeshjen ndaj krutanëve dhe u kanë bërë thirrje lojtarëve të qendrojnë me këmbë në tokë dhe të jenë të përqendruar. Ka qenë vet presidenti i klubit Safet Gjici i cili ka ndjekur nga afër gjendjen e skuadrës dhe u ka kërkuar lojtarëve vetëm fitoren.
Numri një i kukësianëve e konsideron mjaft të rëndësishme fitoren ndaj Kastriotit në luftë për titull dhe një hap fals do ti largonte edhe më shumë nga Partizani kryesues. Në këtë ndeshje trajneri Armando Cungu nuk do të ketë në dispozicion dy lojtarë titullar. Mbrojtësi Cuculi i cili do të mungoi për shkak të një dëmtimi në kavalije dhe Dzaria që është larguar në vendlindjen e tij në Gjeorgji.
Loading ...
