Shqipëria do të luajë përballë Çekisë të enjten e 12 tetorit në orën 20:45 në stadiumin “Air Albania”. Një ndeshje mjaft e rëndësishme për të dyja Kombëtaren në kuadër të kualifikuesve të europianit të Gjermanisë që do të zhvillohet verën e ardhshme.
Në prag të kësaj sfide, ka folur në konferencë për shtyp kapiteni i Kombëtares sonë, Berat Gjimshiti.
-A jemi gati për të marrë fitore për tu afruar me Europianin?
“Ndeshje për ndeshje duhet të fokusohesh. Momenti është i bukur dhe i vështirë, por jemi gati të përballemi në këtë ndeshje.”
-Euforia? Si do e shmangni?
“Euforia është më shumë nga jashtë sesa nga brenda. I dimë vlerat tona dhe të kundërshtarit, por ne besojmë në ekipin tonë. Do bëjmë maksimumin dhe do bëjmë gjithçka nesër.”
-Mungesa e Ismajlit?
“Sigurisht që është një mungesë e rëndësishme për gjithë skuadrën, si Ismajli. Por kemi lojtarë që janë me vite në Kombëtare. Edhe për mua nuk është se i besoj më shumë njërit apo tjetrit. I besoj të gjithëve njëlloj.”
-Si e sheh këtë përballje të dytë, në krahasim me ndeshjen e parë?
“E pamë që është një skuadër fizike dhe në goditje standarde është e rrezikshme. Ka shumë kualitet në lojtarë indivudial. Në Pragë ata kishin më shumë raste se në për hirë të së vërtetës. Nesër duhet të krijojmë raste dhe t’i shfrytëzojmë ato raste për të shënuar.”
-Keni shënuar si sot 8 vite më parë ndaj Armenisë dhe shkuam në Europian…mendon ta bëni nesër diçka të njejtë?
“Më duket sikur ka më shumë se 8 vite, por do të shikojmë. Nëse nuk shënoj unë le të jetë dikush tjetër. Suksesi i Kombëtares ëshë në vendin e parë.”
-7 vite më parë ti e humbe Europianin dhe Kombëtarja është paksa në borxh me ty…Keni një ndjesi të veçantë këtë herë?
“Kemi 3 ndeshje të vështira që janë vendimtare, të kualifikohemi do të bëjmë maksimumin. Rrugë për rrugë dhe ekip për ekip do t’i shohim, shpresoj t’ja dalim.”
-Mund t’i premtosh fëmijëve të Bujanovc / Preshevës që do të vini të festoni atje?
“Do të vij edhe nëse ndodh e kundërta. Kam të afërtit e mij aty. Do vijë radha…”
-Momenti aktual i Kombëtares?
“Është një moment i mirë i Kombëtares. Nuk është vetëm ndeshja e nesërme vendimtare, por janë 3 të tilla.”
-Mendoni se do të jetë atmosfera e nesërmë në favorin tuaj apo jo?
“E njoh popullin shqiptar, atmosfera do të jetë zjarr.”
Lexo gjithashtu
