Milan trimfoi ndaj Salzburg në takimin e fundit të fazës në grupe duke u renditur mes 16-të më të mirëve të Europës pas 9 vitesh. Një ecuri fantastike pas një starti jo shumë të mirë në fazën e grupeve, i cili u përmbyll me suksesin në “San Siro” 4-0.
Në fundin e takimit drejtori sportiv, Paolo Maldini ka folur për këtë kualifikim të shumëpritur. Legjenda e klubit ka nënvizuar “urinë” që ka ky grup duke nisur nga stafi dhe deri tek lojtarët.
Deklarata e Maldinit:
Kur ishte pika e kthesës?
"Ne filluam katër vjet më parë me këta lojtarë, ne kemi vendosur objektiva dhe ky është viti që duam të shtrëngojmë pas fitimit të Scudetto-s për të gjetur një ecuri të mirë europiane. Nuk është e lehtë, por mendoj se do të jemi një ekip i lirë mes pretendentëve. Ne jemi të lumtur, skuadra është e re por po fiton pjekurin e duhur. Ndoshta dy vite më parë do të kishim festuar më shumë”.
Rinovimi i Piolit?
"Mendoj se ishte e drejtë të bëhej para kësaj ndeshje sepse trajneri nuk ishte asnjëherë në diskutim. Ne do t'ia kishim rinovuar kontratën deri në vitin 2025 edhe sikur të shkonte keq."
Cili është sekreti juaj?
“Jam i “uritur”, më pëlqen ta shoh këtë gjë në ekip dhe në grupin tonë të punës. Duhet të jemi aty, Scudetto që fituam ishte demonstrimi se dhamë gjithçka për të kaluar Interin dhe e njëjta gjë duhet të ndodhë në Champions League. Kur të mungojë kjo gjë, ne do të luftojmë më shumë”.
Ku do të arrijë Milan?
“Për ne është një fillim, nuk duhet të harrojmë kurrë atë që ka përfaqësuar ky klub. Nuk mund të jemi të kënaqur me atë që kemi bërë deri më tani”.
Lexo gjithashtu
