Barazimi me Partizanin mund të konsiderohej si një fitre për Tiranën e cila vinte me shumë mungesa dhe ia doli të ruante kryesimin. Mirëpo, një shije të hidhur nga ky derbi la dëmtimi i yllit të skuadrës Regi Lushkja.
Mesfushori la fushën e lojës në fillimin e pjesës së dytë pas një dëmtimi në kofshë dhe sipas ekzaminimeve të para mjekësore, lojtari pritet të mungojë të paktën 2 javë. Kësisoj, kavajasi humbet jo vetëm 3 ndeshjet finale të sezonit por edhe finalen e Kupës së Shqipërisë me Egnatian të programuar për datën 1 qershor.
Një lajm i tmerrshëm për klubin e Tiranës që humbet yllin e saj por edhe për vetë Lushkjen që festonte ditëlindjen në derbi dhe merr një “dhuratë” që nuk do e donte kurrë.
Poll
Lexo gjithashtu
