Partizani do të zhvillojë ditën e sotme testin e parë miqësor përballë kampionëve të Maqedonisë ë Veriut, Strugën, në orën 17:30 në stadiumin “Gjorgji Kyçyku”. Prej gati 2 javësh ekipi është zhvendosur në Pogradec ku po zhvillon fazën përgatitore për ndeshjet e kupave të Europës.
Nën drejtimin e trajnerit Zoran Zekic skuadra ka zhvilluar seancën stërvitore të rradhës me kroatin që ka ulur ritmin dhe po përqëndrohet te detyrat taktike. Implementimi i skemës dhe ideve të tij është kryesorja dhe pasditen e djeshme u ka qëndruar mbi kokë lojtarëve.
Dita e sotme do të jetë decisive edhe për Eros Grezdën. Afrimi i bujshëm në merkato do të zbresë për herë të parë në fushë me fanellën e kuqe dhe pritet të shihet si do të adaptohet me skuadrën.
Përsa i përket formacionit, ka pak dilema. Qirko i cili u afrua për Europën do ta nisë në portë dhe para tij do të jetë katërshja Hadroj, Telushi, Sota dhe Atanaskoski. Marçelino Preka është në balotazh me Sotën.
Mesfusha do të formohet nga Mehmeti, Murataj dhe Rrapaj ndërsa treshja e sulmit, Grezda, Mba dhe Da Silva. Albers Keko është një tjetër dilemë për Zekic por sulmuesi do të nisë 45 minutat e dyta.
Ky është formacioni anti-BATE në kokën e Zekic dhe në këto teste do të shihet nëse do të ketë ndryshime apo jo.
Formacioni i Mundshëm:
Partizani (4-3-3): Qirko; Hadroj, Telushi, Sota (Preka), Atanaskoski; Mehmeti, Murataj, Rrapaj; Grezda (Keko), Mba, Da Silva.
Trajner: Zoran Zekic
Lexo gjithashtu
