Dinamo ka përforcuar sulmin këtë fund merkato me Amarildo Gjoni. Ashtu siç "Newsport.al" ka raportuar ditë më parë, tashmë 23 vjeçari ka nënshkruar një kontratë tre vjeçare me blutë e kryeqytetit. Akordi verbal ishte arritur prej kohësh dhe tani ka ardhur dhe zyrtarizimi.
Gjoni ishte në tribunë në ndeshjen e fundit të Dinamos në fundjavë përballë Luzit 2008. Ai do të vihet menjëherë nën urdhrat e trajnerit Nevil Dede dhe mund të jetë gati për ndeshjen e rradhës. Sulmuesi vjen nga kategoritë inferiore të futbollit italian dhe më përpara ka qenë pjesë e të rinjve të Laçit përpara se të kalonte në Itali.
Bëhet me dije se për të ka patur interesim edhe nga Tirana në merkaton e verës, por sulmuesi vendosi që nuk ishte momenti i duhur për t’u rikthyer në Shqipëri. Tani ai ka mundësinë të tregojë veten tek Dinamo në Kategorinë e Parë dhe vitin tjetër në Superiore.
Lexo gjithashtu
