Dinamo udhëheq Kategorinë e Parë me 2 pikë më shumë se Flamurtari, pas vetëm 12 javësh të luajtura deri tani. Synimi kryesor padiskutim te blutë është ngjitja në “Abissnet Superiore”. Pavarësisht se kryesojnë, përsëri stafi i bluve nuk është shumë i kënaqur me performancën e disa lojtarëve.
Pikërisht për këtë presidenti Ardian Bardhi ka premtuar se do të ketë shumë ndryshime në merkaton e janarit. Drejtuesit kanë nisur punën për pikasjen e lojtarëve cilësorë në mënyrë që Dinamo përveç shpalljes kampion në Kategorinë e Parë, kërkon që t’i ket ëprotagonistë edhe në Superiore.
Në këtë mënyrë Bardhi i ka “premtuar” Nevil Dedes 4 “dhurata” speciale gjatë janarit, në mënyrë që të arrijë objektivin e vendosur nga klubi. Sipas informacioneve pritet një portier dhe një sulmues nga jashtë, ndërsa dy të tjerët janë lojtarë aktualë që luajnë në Superiore.
Lexo gjithashtu
