Kanë mabruar pushimet te Teuta. Skuadra durrsake e udhëhequr nga trajneri Dieog Longo ka zbritur në fushën e blertë pas disa javësh pushimesh.
“Djemtë e Detit” kanë nisur kështu me fazën përgatitore. Futbollistët janë ndarë në dy grupe për të vazhduar me testet mjekësore për të parë edhe gjendjen e lojtarëve pas pushimeve.
Pjesë e stërvitjes janë edhe 3 afrimet e reja. Ergys Peposhi, Aldo Gjumsi dhe Mario Gjata, të cilët janë vënë nën urdhrat e timonierit italian.
“Futbollistët e Teutës kanë nisur fazën përgatitore për sezonin e ri. Skuadra ka nisur punën nën urdhërat e stafit teknik të drejtuar nga Diego Longo. Pas matjeve fillestare, futbollistët të ndarë në grupe do të vijojnë ekzaminimet mjekësore dhe testimet e zakonshme për këtë fazë, ndërsa paralel me këtë skuadra do të koncentrohet në realizimin e planprogramit të hartuar për këtë fazë përgatitore”, ka shkruar Teuta.
Lexo gjithashtu
