“Dhëmb për dhëmb” për “Play-Off”-in, RTSH Sport sjell supersfidën e javës falas në shtëpitë tuaja
Shkruar nga NEWSPORT
Kategoria e Parë do të luajë ditën e sotme sfidat e parafundit të saj. 6 sfida janë parashikuar të startojnë në orën 15:00 ku plot 12 skuadra do të kërkojnë edhe 3 pikët për të qenë më afër objektivave të tyre.
Në këtë kategori luftohet shumë për “Play-Off”-in. Apolonia pret Luzin për të bërë mes tyre dhe llogaritë e javës së 25-të. Një sfidë direkt mes tyre për një vend që të çon në “Play-Off”, pasi kavajasit dhe fierakët kanë nga 35-pikë dhe ndajnë përkatësisht vendin e 6-të dhe 7-të mes tyre.
Pikërisht kjo sfidë është përzgjedhur nga RTSh Sport për të ardhur falas në shtëpitë tuaja. Në orën 15:00 në ekranin e RTSh-së do të transmetohet LIVE ky takim, ku 3 pikët janë të detyrueshme për të dyja skuadrat.