“Nuk e kthej kokën pas në Kupën e Botës 1998 apo në Euro 2000 kur fitova me Francën, sepse ka kaluar shumë kohë dhe nuk kam të njëjtin rol në skuadër, – nisi deklaratën e tij Deschamp përpara takimit zyrtar kundër Rumanisë që do të luhet mbrëmjen e sotme. "Ne duhet të fillojmë të ngjitemi në këtë mal, por dalë nga dalë. Ndeshja e sotme do të jetë e para zyrtare dhe kemi dy vjet që datën 10 qershor e kemi të qartë në mendje për të qenë plotësisht të gatshëm".
"Patjetër që është ndryshe nga ndeshjet miqësore, por nuk kemi bërë një prag sfidë të jashtëzakonshme për të mos i konsumuar menjëherë të gjitha energjitë dhe përqendrimin psikologjik të lojtarëve tanë. Nuk e kemi përgatitur ndeshjen ndaj Rumanisë si të ishte ndeshja e jetës, vetëm si një ndeshje shumë e rëndësishme”, përfundoi tekniku i "Gjelave", i cili në karrierën e tij si futbollist ka zhvilluar 103 paraqitje me Francën.
Lexo gjithashtu
