Kroacia në datën 15 korrik do të luajë finalen e parë në histori të saj, ku do të përballet me Francën, që gjithashtu ka një bilanc shumë pozitiv, pasi në 6 Botëroret e fundit do të luajnë finalen e tretë.
Megjithatë trajneri i skuadrës së Kroacisë, Zlatko Daliç në një prononcim për mediat është treguar shumë modest, ku në të njëjtën kohë edhe për kundërshtarin ka folur me fjalë pozitive, duke thënë se në finale luajnë dy skuadrat më të mira.
"Kjo do të jetë ndeshja më e gjatë për ne, do të jetë shumë e vështirë. Franca është shumë e rrezikshme në kundërsulm. Megjithatë unë jam shumë i lumtur për performancën që ka bërë skuadra ime gjatë këtij turneu, ata besojnë shumë te unë. Në finale janë dy skuadrat që kanë bërë më mirë në këtë kampionat", ka përfunduar Daliç.
Lexo gjithashtu
