Të ftuar në emisionin Sport News nga moderatorja Trevisa Tufa, ish-futbollistët, Migen Memelli dhe Ardit Beqiri kanë komentuar humbjen e Tiranës ndaj Teutës dhe si pritet të hyjnë 2 ekipet, Partizani e Tirana, në derbin e 17 majit.
Migen Memelli: Një skuadër e 3-të do e bënte garën më të bukur. Partizani dhe Tirana kanë patur një marsh më të vogël gabimi. Peshorja e gabimeve do t’i përplasi në këtë javë të derbit.
Tirana vjen me disavantazh te ky derbi. Le të kujtojmë që 3 lojtarë do të mungojnë për çështje kartonësh. Problem tjetër janë oshilacionet. Sikurse e përmenda, derbi nuk ka patur asnjëherë skuadër favorite. Këto ishin disavantazhe. Mungesa e një loje të larmishme është pika kyçe. Siç e kemi thënë derbi fitohet dhe nuk luhet. Të dyja skuadrat duhet të bëjnë maksimumin.
Ardit Beqiri: Partizani i është dhënë mundësia shpeshherë për të fituar titullin. Punët kështu erdhën, që të vendoset fati i titullit në derbi. Partizani- Partizani i ka dhënë provat se luan bukur. Tani duhet vazhdimësia. Kur pritej që Partizani të bënte shkëputjen kur ishte në krye, ka lënë pikë në ndeshje të lehta në letër. Këto fitore radhazi i kanë dhënë moral të kuqve.
Ka vite që kampionati nuk kalon nga derbi. Në këtë pikë, eksperienca, dëshira, nevoja bëhen bashkë. Partizanin e shikoj siç e kam parë gjithë vitin. Partizani krijon shumë dhe kjo ka rëndësi.
Lexo gjithashtu
