Gerdi Haxhiu dhe Shkëlqim Muça janë të ftuar në emisionin "Rubrika Sportive". Pjesë e moviolës ishte penalltia e akorduar në favor të Teutës. Për Shkëlqim Muçën ky moment nuk ishte 11-metërsh. Ndërsa për Haxhiun, Najdovski shkakton faull që duhet ndëshkuar me penallti.
"Për mua nuk është asgjë. E kam parë 20 herë si rast. Nuk ka kontakt me këmbë. Me dorë nuk do e rrëzonte Najdovski Grudën", tha Muça. Ndërsa Haxhiu kishte një mendim ndryshe: "Për mua është penallti 100 përqind. Por dua të shoh edhe një rast të Najdovskit që nuk e ka ndëshkuar", tha ai.
Duket si një derbi mes Muçës dhe Haxhiut që nis një javë para supersfidës në panelin e "Rubrikës Sportive". Kujtojmë që të dy kanë kontribuar për dy ekipet. Muça ka luajtur dhe drejtuar dikur Tiranën, ndërsa Haxhiu është aktualisht trajner moshash te Partizani U-21.
Lexo gjithashtu
