Jemi mësuar që derbi mes Milanit dhe Interit është tepër i zjarrtë në fushën e lojës apo edhe në tribuna, por tashmë këto dy ekipe do sfidohen në merkato.
Si Interi ashtu dhe Milani janë në kërkim të një qendërmbrojtësi, teksa është pikërisht ky i fundit që do të bëhet “mollë sherri” për dy ekipet e Milanos në merkaton e ardhshme verore.
Alessandro Buongiorno, që aktualisht është pjesë e Torinos është një dëshirë e hershme e Milanit. “Djalli” e kërkoi edhe në merkaton e janarit që sapo lamë pas, por më pas transferimi u shty për në verë.
Nga kjo kërkon të përfitojë Interi. Zikaltërit kërkojnë një qendërmbrojtës dhe shohin te 24-vjeçari italian profilin perfekt që mund t’i përshtatet ekipit. Klubi i Interit kërkon që t’i prishë punë Milanit, dhe ka kërkuar më shumë informacion mbi lojtarin e Torinos.
Tashmë pritet të shihet se çfarë do të ndodhë në verë, ku “luftës” mes kushërinjve të qytetit do t’i japë fund vetëm lojtari, i cili do të thotë fjalën e tij se ku dëshiron që ta vazhdojë karrierën.
[caption id="attachment_726200" align="alignnone" width="678"]
Alessandro Buongiorno[/caption]
Egnatia, Vllaznia, Dinamo dhe Partizani deri më tani në “Final Four”. Mendoni se do të ketë ndryshime deri në fund të Superiores?
-
Po
-
Jo
-
Nuk e di
