Tirana është një nga ekipet më të kompletuara në Superiore. Bardheblutë kanë dubluar çdo repart në merkaton e verës duke forcuar jo vetëm formacionin titullar por edhe stolin. Trajneri Shehi tani ka një ekip shumë më fleksibël se ai i vjetshmi ku të njëjtat emra luanin nga java në javë.
Megjithatë, një dëmtim i rëndë i portierit Gentian Selmani la një shije të hidhur në kampin kryeqytetas. Gardiani u dëmtua në sfidën e fundit me Besiktas dhe do të mungojë për të paktën 3 muaj. Në këtë mënyrë, bardheblutë kanë mbetur vetëm me veteranin Ilion Lika në katërkëndësh.
Mustafë Abdullahu është portieri i cili po stërvitet aktualisht me 27 herë kampionët e vendit. 19-vjeçari është nën kontratë me Besën e Kavajës ndërsa tek Tirana shpreson të bindë stafin teknik për t’u bërë pjesë e skuadrës. Mbetet ende të shihet si do të veprojnë bardheblutë duke ditur se kavajasit kanë refuzuar plot 80 mijë euro nga një klub rumun për shërbimet e gardianit kosovar.
[caption id="attachment_704709" align="alignnone" width="559"]
© Credits Mustafe Abdullahu instagram.com/mustaf.abdullahu1/[/caption]
Lexo gjithashtu
