Partizani është skuadra e vetme nga Superiorja që vazhdon aktivitetin në garat europiane. Demat do të udhëtojnë në Letoni për të sfiduar Valmieran në sfidën e vlefshme për turin e tretë të Conference League.
Ndeshja do të luhet më 10 gusht në orën 19:00. Por duket se për këtë sfidë dëmtimet janë kthyer në “makth” te të kuqtë. Përveç Andi Hadrojit që ka kontraktim dhe është në dyshim për duelin me letonezët, një tjetër titullar është dëmtuar gjatë stërvitjes së ditës së djeshme.
Saliou Sembene ka thyer krahun dhe do të jetë mungesë e sigurtë. Lojtari e ka vendosur krahun menjëherë në allçi dhe pritet që vetëm në mesin e muajit të ardhshëm të mund të rikthehet në fushë. Kjo shton “dhimbjet e kokës” për Zoran Zekic, i cili i kishte besuar 21-vjeçarit një fanelë titullarii në formacionin e të kuqve. Në vend të tij pritet të luajë Sota.
Lexo gjithashtu
