Koço Kokëdhima është përplasur me Redi Jupin për Federatën Shqiptare të Futbollit. Presidenti i njohur i Apolonisë po tregonte punën e mirë që ka bërë FSHF-ja për evoluimin e lojës më të ndjekur në botë. Por, Redi Jupi ndërhyri duke mos pranuar atë që Kokëdhima po thoshte në panelin e emisionit “Procesi Sportiv”.
Në këtë moment, kreu i fierakëve i tha: “Je i helmuar ti Jupi”, duke i vënë në pah kritikat sistematike kundër FSHF-së. Por, ish-lojtari iu kthye: “Gjysma e klubeve paguajnë gjoba se nuk vendosin stemën e Abissnet Superior…”, në këtë moment ndërhyri sërish Kokëdhima.
“Jo, jo s’është e vërtetë. Kemi pasur një problem vetëm me Monen e Teutës”, por sërish Jupi nuk e la ta çonte fjalën në fund duke ndezu debat në studio.
“Si jo? Po Partizani? Unë jam i lirë. Jam në anën e duhur të rrotës së historisë. Skllevër milionerë kemi njohur sa të duash në këtë vend. Muhabete kot tani”, përfundoi ai teksa tensioni mes tyre ishte i pranishëm gjatë gjithë emisionit.
Lexo gjithashtu
