Kamza do presë në shtëpi Partizanin ditën e dielë pr të luajtur takimin e javës së 27-të të kampionatit i cili është vendosur të luhet në orën 14:00. Për këtë transfertë duket se Dalipi do të ketë në dispozicion një ekip të plotë me mungesën e vetme që është Fejzullahu për të cilin është vendosur që të marrë disa minuta më ekipin e dytë për të kaluar më pas te skuadra e parë.
Të mërkurën, Dalipi provoi të hedhë në sulm Abdurrahimin, ky i fundit i ndihmuar nga Asani dhe Progni, duket se planet kanë ndryshuar ditët e fundit. Kohët e fundit është vënë re që dhë dhe Bardhi është në listën e dëshirave, duke i vështirësuar disi punën Dalipit për të zgjedhur titullarët sa i përket repartit të sulmit.
Sigushit që trajneri elbasanas ka provuar dhe një tjetër skemë, ku peshën e golit ka tentuar t'ia lërë Çanit së bashku me Abdurrahimin. Nuk dihet saktësisht se cila do të jetë zgjedhja e kreut të pankinës së kuqe, por një gjë është e sigurt, spektakli nesër nuk do të mungojë pasi dhe Kamza do kërkojë të marrë maksimumin ndaj "Demave të Kuq".
Lexo gjithashtu
