Kur do dhe vetëm pak ditë që merkatoja të starojë, Skënderbeu e ka marrë me qetësi. Drejtuesit e klubit i kanë lënë të gjithë pushim për tu qetësuar dhe festuar suksesin e arritur deri tani.
Sot, zbulohet se do të zhvillohet takimi i parë pas pushimeve ku do të diskutohet për planet e merkatos dhe këtu flitet si për afrime ashtu dhe për largime të mundshme. Sa i përket afrimeve, Ilir Daja e ka shprehur që më herët dëshirën e tij për ndaj presidentit Ardjan Takaj. Dëshira e trajnerit Daja është afrimi i dy lojtarëve në repartin e sulmit, problemi i vetëm që Skënderbeu ka pasur për pjesën e parë të sezonit.
Normalisht që nuk do mbetet me kaq, pasi prite që afrime të ketë dhe në repartet e tjera, gjithmonë duke pasur primare ruajtjen e grupit aktual. Sa i përket largimeve, mundësia më e madhe ekziston që Bajram Jashanica të largohet nga korçarët në janar, por ka një problem.
Rusët të cilët ishin të interesuar deri para pak ditësh si duket po i bëjnë "presion" klubit korçar pasi nuk plotësojnë kushtet e përcaktuara. Pritet që ditët në vijim të ketë të reja në këtë drejtim për të kuptuar nëse do arrihet një marrëveshje mes palëve apo Jashanica do mbete sërish te Skënderbeu.
Lexo gjithashtu
