Çudi shqiptare/ Pas grushtave në “Selman Stermasi”, Partizani dhe Tirana takohen në palestër për të ndarë…

E habitshme por e vërtetë ajo që ka ndodhur sot. Partizani dhe Tirana janë takuar sot tek Kodrat e Liqenit. Një takim i rastësishëm në palestër mes dy skuadrave që për herë të fundit ishin takuar në “Selman Stermasi” rreth katër muaj më parë në derbin që përfundoi me sherr. Rastësia bëri që lojtarët e të dy skuadrave të ndanin të njëjtën palestër. Bardheblutë kishin rezervuar për dy orë paradite palestrën tek liqeni ndërkohë që aty kanë mbërritur edhe 10 futbollistë të Partizanit që kishin në program një seancë force, ndryshe nga pjesa tjetër e skuadrës së kuqe që e ka patur pushim paraditen. Lojtarët e të dy ekipeve i kanë qëndruar larg njëri-tjetrit për aq sa mund të rrihej në një ambient të mbyllur ndërkohë që ka patur prej tyre që kanë ndarë edhe ndonjë batutë miqësore.