Partizani do të udhëtojë në Kukës për të sfiduar skuadrën e Rrahman Hallaçit. Ky takim do të luhet ditën e nesërme duke nisur që nga ora 13:00 në “Kukës Arena”.
Një përballje që luhet për objekktiva të ndryshme, pasi demat kërkojnë 3 pikët për titullin, ndërsa vberilindorët për mbijetesën.
Në prag të kësaj sfide Giovanni Colella ka dalë në konferencën për shty, ndërsa i ka bërë presion Kukësit, pasi skuadra e tij dëshiron vetëm 3 pikët.
“Në këtë moment çdo kundërshtar është i vështirë, Kukësi është në vendin e parafundit të klasifikimit dhe mendoj që është një skuadër që nuk e meriton këtë pozicion kështu që pikët janë shumë të rëndësishme për ne dhe për ata. Nuk ka kaluar momenti i vështirë, kur dikush është i sëmurë me temperaturë 40 nuk mund të ngrihet nga krevati dhe të fillojë të ushqehet me disteka. Jo askush nuk është gati nga ata që kanë shfaqur probleme, por kemi mjaft lojtarë dhe do të luajë dikush tjetër.
Preka ka punuar shumë këto muaj dhe mendoj se ai duhet të marrë minuta, ka vuajtur shumë gjatë gjithë kësaj periudhe. Ne moralin e marrim gjatë përgatitjeve që zhvillojmë gjatë javës, por sigurisht që paraqitjet e mira janë pozitive dhe shpresoj sepse në këto momente pikët kanë shumë rëndësi për të gjithë jo vetëm Partizanin. Do të luajë Rexhepi, ai është portieri titullar është e 6 ose e 7 herë që e them.
Alban Hoxha ka qenë gjithmonë në dispozicion kjo falë eksperiencës së tij, por gjithmonë kam deklaruar se titullar do të jetë Rexhepi. Sipas meje Partizani në këto momente është më i fortë, pasi unë kam shumë alternativa. Dhe rezervat mendoj që mund të jenë titullarë, nuk mund të vë në diskutim kush luan apo jo, të gjithë i konsideroj si titullar.
Kemi Kukësin fillimisht, pastaj në mesjavë do të luajmë në Shkodër për Kupën e Shqipërisë dhe prandaj të gjithë i konsiderojmë titullarë. E vështirë është kur ke 3 sulmues dhe duhet të zgjedhësh 1, por kur ke 6 është më komode, pasi dikush do të luajë një ndeshje dhe tjetri në tjetrën. Për mendimin tim konkurrenca është një aspekt shumë i rëndësishëm për tu rritur.
Tashmë është e rëndësishme që çdo ndeshje që luhet pikët rekrutohen dhe pranë që çdo duel është shumë i vështirë dhe i rëndësishëm dhe momentalisht dua që lojtarët e mi të mendojnë vetëm për Kukësin pjesën tjetër e mendojmë më pas.
Atëherë më duket se ky nuk është problem vetëm për Partizanin por edhe skuadrat e tjera me lojtarët e rinj, ata nuk arrijnë të vrapojnë. Djemtë që kanë mbërritur në janar gradualisht po arrijnë formën dhe kjo vlen për të gjitha skuadrat”, u shpreh Colella.
Lexo gjithashtu
